प्रदेश सरकार

कृषि विकास निर्देशनालय

गण्डकी प्रदेश, पोखरा

कृषि सूचना तथा संचार शाखाका गतिविधिहरु


कृषि विकास निर्देशनालय, पोखराको वेवसाईट सार्वजनिक

कृषि विकास निर्देशनालय, पोखराको वेवसाईट (www.add.p4.gov.np) सार्वजनिक भएको छ । यस वेवसाईट मार्फत सेवाग्राही तथा अन्य सरोकारवालाहरुले निर्देशनालय सम्बन्धी विवध जानकारीहरु प्राप्त गर्न सक्नुहुनेछ । वेवसाईटमा निर्देशनालयको परिचय लगायत निर्देशनालयबाट सञ्चालित कार्यक्रमहरु तथा प्रगति विवरणहरु, निर्देशनालयबाट प्रकाशित भएका विभिन्न प्राविधिक प्रकाशनहरु, निर्देशनालयसंग सम्बन्धित विभिन्न सुचना तथा समाचारहरु, निर्देशनालयको काम संग सम्बन्धित कानुनी दस्तावेजहरु समेटिएका छन् । यस वेवसाईटबाट सेवाग्राहीले इमेल, टेलिफोन, फेसबुक, ट्वीटर, भाइवर लगायतका सामाजिक सञ्जालका माध्यमले निर्देशनालयसंग सोझै सम्पर्क गर्नुका साथै निर्देशनालयबाट सञ्चालित क्रियाकलापहरुको बारेमा तुरुन्तै जानकारी लिन सक्नु हुनेछ ।

रेडियो कृषि कार्यक्रम सञ्चालन

कृषि विकास निर्देशनालय, पोखराले रेडियो नेपाल प्रादेशिक प्रशारण कार्यालय, पोखरा र नेपाली रेडियो नेटवर्क, गण्डकी प्रदेश कार्यालय, पोखरासंगको सहकार्यमा निम्नानुसारका गते र समयमा नियमित रुपमा नेपाली भाषामा कृषि सम्बन्धी रेडियो कार्यक्रमहरु सञ्चालनमा ल्याएको छ ।

     निम्नानुसार:

  • रेडियो नेपाल प्रादेशिक प्रशारण कार्यालय, पोखराबाट प्रशारण गरिने कृषि कार्यक्रम

हरेक आईतवार साँझ ५:३० देखि ५:४५ सम्म 

  • नेपाली रेडियो नेटवर्क, गण्डकी प्रदेश कार्यालय, पोखरा मार्फत सञ्चालन गरिने कृषि कार्यक्रम र कार्यक्रम प्रशारण गर्ने रेडियोहरु

 

क्र.सं. रेडियोको नाम र ठेगाना मेगाहर्ज प्रशारण गर्ने बार र समय
१. रेडियो हेमजा, हेमजा, पोखरा ८८.५ सोमबार (७:०० देखि ७:१५ सम्म)
२. रेडियो सार्थक, ० कि.मी., पोखरा ८९.१ मंगलबार (७:०० देखि ७:१५ सम्म)
३. रेडियो पर्वत, खानीगाउँ, पर्वत १०३.६ बुधबार (६:१५ देखि ६:३० सम्म)
४. रेडियो गोर्खा, गोरखा ९२.८ बिहीबार (६:४५ देखि ७:०० सम्म)
५. रेडियो स्याङजा, पुतलीबजार–१, स्याङजा ८९.६ शुक्रबार (७:१५ देखि ७:३० सम्म)
६. रेडियो ढोरपाटन, बुर्तिबाङ–१, बाग्लुङ १०४.१ शनिबार (६:३० देखि ६:४५ सम्म)
७. रेडियो म्याग्दी, बेनी, म्याग्दी १०४.४ आइतबार (६:३० देखि ६:४५ सम्म)
८. दमौली एफ.एम., दमौली, तनहुँ ९४.२ सोमबार (६:४५ देखि ७:०० सम्म)
९. रेडियो लम्जुङ, बेशीशहर, लमजुङ ९१.८ आइतबार (६:३० देखि ६:४५ सम्म)
१०. ह्याप्पी एफ.एम., दलदले, नवलपरासी १०३.८ बुधबार (७:१५ देखि ७:३० सम्म)
११. रेडियो जननी, सृजनाचोक, पोखरा ९०.६ बिहिबार (७:१५ देखि ७:३० सम्म)